O sábado 30 de abril o club AROMON Pontevedra realizou unha colaboración co club de rugby Os Ingleses de Vilagarcía de Arousa para facer chegar o noso bonito deporte da Orientación a outros deportistas.
Os participantes na actividade, 20 persoas de distintas idades, desde nenos e adolescentes ata adultos, realizaron un recorrido con variedade de controles en parellas.
A tarde foi soleada e agradable, cun ambiente lúdico moi agradable.
Despois dunha breve explicación de detalles sobre o mapa, o compás e as tarxetas SportIdent os aguerridos Ingleses se lanzaron a realizar o recorrido, intentando pasar polo maior número de controles (lo ideal era completalo) nun par de horas practicando Orientación.
Ao finalizar o recorrido as sensacións foron moi positivas por ambas partes, emprazándonos a próximas colaboracións.
Desde o club AROMON agradecer ao club Os Ingleses o interese e bo ánimo de tódolos participantes.
Nos vemos no bosque!
