O pasado xoves 25 de Agosto se celebraba unha xornada de orientación urbana dentro do programa de actividades do Ponteverán do Concello de Pontevedra. Comezaban a chegar os primeiros participantes con tempo para recibir algunha charla de coñecementos básicos e así, ás 8 da tarde, comezar as saídas.
Os participantes puideron escoller entre tres percorridos, de máis sinxelo a máis complicado, transcorrendo todos eles polo casco histórico de Pontevedra, chegando ata Campolongo, no que tiñan que visitar en orde unha serie de puntos marcados no mapa e atopar as balizas correspondentes. Os participantes, que finalmente foron un total de 146, distribuíronse tanto de forma individual, coma en parellas ou equipos.
A actividade organizada polo Club Aromon de Pontevedra resultou ser un éxito dende os máis cativos aos máis maiores, desfrutando todos xuntos deste noso deporte dunha forma lúdica e divertida.
Os resultados están dispoñibles online, no enlace adxunto o ben escaneando o código QR que se atopa nos mapas.
