PRG-48 Sendeiro Entre Rías
PONTE SAMPAIO- A FRACHA- A XUNQUEIRA.
Accesos: Ponte Sampaio N-550 Pontevedra -Vigo, Pontevedra dende a Xunqueira do Lérez e Monte da Fracha
Lonxitude: 22 km
Sinalizado: pendente de actualización
Dificultade: media
Información: Concello de Pontevedra
Dende a ponte de Ponte Sampaio, onde as tropas francesas foron derrotadas e expulsadas de Galicia a rota segue algúns treitos do Camiño Portugués a Santiago. Nas beiras do río Ullo sucédense mais de vinte muiños que compoñen unha fermosa estampa. Pasando Rañadoiro e o Paredón ( acueducto de canteiría de case 30 m de lonxitude) a pista ascende cara o cume da Fracha (540 m). Este miradoiro, un dos mais fermosos da comarca, proporciona unha vistas magníficas sobre as rías de Pontevedra e Vigo. A partir de aquí sucédense unha baixada con forte pendiente e unha subida cara ó alto de Mourente. Un xiro brusco á dereita, cruzando a N-541, conduce as ribeiras do río Lérez. O remate pódese facer polo Mosteiro de San Bieito de Lárez ou pola beira urbanizada do río.
Durante anos o club organizou dende a súa homologación inicial por parte da Federación Galega de Montaña, e o mantivo ca axuda do Instituto Municipal de Deportes de Pontevedra con actividades de limpeza, sinalización e marchas populares para promoción do deporte na Capital do Lérez, con masiva asistencia de novos e vellos camiñantes.
A día de hoxe, tras moitos talas, aumento de superficie de canteiras, e modificación de sendas, esta descatalogado e pendente de revisión e actualización.
As pontes do Lérez e Aciveiro-Candán
PEDRE-FORCAREI-ACIVEIRO-CANDÁN.
Accesos: SERRAPIO-PEDRE N-541 Pontevedra-Ourense, Forcarei,PO-200 Alto do Candán.
Lonxitude: 22+20km
Sinalizado: completo e en bo estado (outono 2004)
Dificultade: baixa
Información: Concellos de Cerdedo e Forcarei e Club Montañeiros
Estes dous sendeiros nos permiten percorrer en dous días toda a zona alta do río Lérez e visitar lugares olvidados polo tempo e un conxunto de obras civiles e relixiosas de canteiría do mellor de Galicia, especialmente as mais de vinte pontes e pontellas que lle dan nome a ruta. A Serra do Candán é ademais unha paraxe de excepcional beleza e fronteira natural entre a Pontevedra costeira do Lérez e a interior bañada polo río Deza.
